SEOA SA CORONA SE AMME BOPHELO JOANG?

Kokoana hloko ea Corona e amme lefatse ka bophara,‘me ho pharalleng hoa eona, e bakile khino ea metsamao moo mafapha a mangata a ileng a ameha, haholo, a kenyeletsang khoebo, thuto, moruo le bophelo ka kakaretso. Maemong ana a seoa sa Corona Virus (COVID-19) se aparetseng lefatše le naha ea Lesotho, Finite Magazine e ile ea atamela ba bang ba basali ba Basotho ho fuputsa ka liqholotso tseo ba kopanang le tsona.

KA: MOSA MOJONOTHOANE

Har’a tse ling tse tŝoenyang basali, bokuli ba kelello bo bonahala bo itlhomme-pele bo bakoang ke khatello ea maikutlo, ‘me ke basali ba ‘maloa ba atlehang ho bo laola kapa ho iphapanyetsa bona. Tiisetso Moroke ore khino ea metsamao e qobella batho ho lula ka hare ho malapa a senang khotso holim’a mathata a mang a bakoang ke seoa sa COVID-19. Moroke o re mathata a lichelete, tlala, ho thefuleha hoa moruo esita le ho ngongoreha ka litoro tse sa phethahaleng ho ka totisa bokoli ba kelello hoo bo ka bakang lefu.

Leave a Reply

Your email address will not be published. Required fields are marked *